Reading

“ဆစ်ခ်လူမျိုး (ပန်ချာပီ လူမျိုး) တို့၏ ဂုဏ်” – လူငယ်တွေအတွက် အတုယူစရာပါ

“ဆစ်ခ်လူမျိုး (ပန်ချာပီ လူမျိုး) တို့၏ ဂုဏ်”

တစ်နေ့မှာ သူငယ်ချင်းတစ်စုဟာ အိန္ဒိယနိုင်ငံ ဒေလီမြို့ကို အလည်အပတ်ရောက်လာကြသတဲ့။ သူတို့ဟာ ဟိုဟိုဒီဒီ ရှုခင်းလေးတွေလျှောက်ကြည့်ကြဖို့ taxi တစ်စီးငှားကြပါတယ်။ Taxi driver က ဆစ်ခ်လူမျိုး (ပန်ချာပီလူမျိုး) ဖြစ်နေပါတယ်။ ပန်ချာပီလူမျိုးဆိုတာ အားလုံးသိကြတဲ့အတိုင်း သူတို့ခန္ဓာကိုယ်ပေါ်က ဘယ်အမွှေးအမျှင်ကိုမှ မွေးသည်မှ သေသည်အထိ မရိတ်မသင်ပဲထားကြတယ်လို့ ဆိုတယ်မလား။ အဲ့ဒီတော့ ကောင်လေးတွေကလည်း လူငယ်လေးတွေပီပီ အဲ့ဒီပန်ချာပီဦးလေးကြီးကို ‘စ’ ချင် နောက်ချင်လို့ ပန်ချာပီလူမျိုးတွေကို ပြောင်ထားတဲ့ ဟာသပြက်လုံးတွေကို တစ်လမ်းလုံးပြောလာကြသတဲ့။ ဒါပေမယ့် သူတို့အံ့သြရလောက်အောင်ပဲ အဲ့ဒီပန်ချာပီ driver ကြီးဟာ လုံး၀ (လုံး၀) စိတ်ဆိုးခြင်း၊ တုန်လှုပ်ခြင်း၊ စိတ်အနှောင့်အယှက်ဖြစ်ခြင်း မရှိပါဘူးတဲ့..

အဲ့ဒီလိုနဲ့ ရှုခင်းကြည့်တာပြီးသွားတော့ ကောင်လေးတွေက taxi အတွက် ကျသင့်ငွေပေးချေကြပါတယ်။ (အကြွေလည်း ပြန်မအမ်းနဲ့တော့ပေါ့။) ပန်ချာပီဦးလေးကြီး driver ကြီးက အကြွေတွေကိုပြန်အမ်းပေးတဲ့အပြင် အဲ့ဒီကောင်းလေးတစ်ယောက်စီကို အိန္ဒိယငွေ rupee တစ်ကျပ်စီပေးလိုက်ပါသေးတယ်တဲ့။ အဲ့ဒီလိုပေးရင်းနဲ့ ပန်ချာပီဦးလေးကြီးကပြောတယ်..

“ကလေးတို့.. မင်းတို့ တစ်မနက်ခင်းလုံး ပန်ချာပီပြက်လုံးတွေပြောလာတာ တစ်ချို့ပြက်လုံးတွေဆိုရင် နားထောင်လို့တောင်မကောင်းဘူး.. ဒါပေမယ့် ဦး စိတ်မဆိုးပါဘူးကွယ်.. ငါ့သားတို့.. မင်းတို့က ငယ်သေးတယ်မဟုတ်လား.. ဒီလောကကြီးမှာ ငါ့သားတို့ လေ့လာစရာ သင်ယူစရာတွေ အများကြီးကျန်သေးတယ်လေ.. သားတို့ကို တစ်ခုပဲတောင်းဆိုချင်ပါတယ်.. သားတို့တစ်ယောက်စီကို ရူပီငွေတစ်ကျပ်စီပေးလိုက်ပါ့မယ်.. အဲ့ဒီရူပီတစ်ကျပ်ကို ဒီအခု ဒေလီမြို့မှာဖြစ်စေ၊ တစ်ခြားဘယ်မြို့မှာမဆိုဖြစ်စေ.. ငါ့သားတို့.. အရင်ဆုံး ပထမဆုံး တွေ့တဲ့ ပန်ချာပီ သူတောင်းစားတစ်ယောက်ကိုပေးလိုက်ပါ..”

အဲ့ဒီနောက် လူငယ်လေးတွေဟာ ခရီးဆက်ခဲ့ကြတယ်တဲ့..

ဒီအဖြစ်အပျက်ဟာ ကြာလှပါပြီ.. သို့ပေမယ့် အဲ့ဒီလူငယ်လေးတွေဆီမှာ ပန်ချာပီ driver ကြီးပေးလိုက်တဲ့ ရူပီတစ်ကျပ်ဟာ ယနေ့ထက်တိုင် ရှိနေဆဲပဲတဲ့.. ဘာဖြစ်လို့လဲဆိုတော့ သူတို့ဟာ ပန်ချာပီလူမျိုးသူတောင်းစား တစ်ယောက်တစ်လေကိုမျှ.. ဒေလီမြို့မှာမှ မဟုတ်ဘူး.. အိန္ဒိယနိုင်ငံရဲ့ ဘယ်မြို့မှာမှ ဒီနေ့အချိန်အထိ မတွေ့သေးလို့ပါတဲ့..

Indian Clinical Knowledge ဆိုတဲ့ page က post တစ်ခုကို ဆီလျှော်သလို ဘာသာပြန်လိုက်မိတာပါ.. အဲ့ဒီ post မှာထပ်ပြောထားပါသေးတယ်.. ဆစ်ခ်လူမျိုး (ပန်ချာပီလူမျိုး) ဟာ မည်သည့်အလုပ်ပင်ဖြစ်စေ လုပ်ဖို့၀န်မလေးကြပေမယ့် လမ်းပေါ်ထွက်ပြီး တောင်းစားတဲ့အလုပ်ကိုတော့ ဘယ်တော့မှလုပ်မှာ မဟုတ်ဘူးတဲ့..

ဆစ်ခ်လူမျိုးများကို လှောင်ပြောင်ထားတဲ့ဟာသများကို ကျွန်တော်တို့ မကြာခဏ ကြားနေ နားထောင်နေရပါသည်။ တကယ်တော့ ဆစ်ခ်လူမျိုးများဟာ အလွန်အလုပ်ကြိုးစားကြသူများဖြစ်ပြီး ကြီးပွားတိုးတက်အောင်မြင်နေကြသူများ၊ ဘ၀ကို ရိုးရှင်းစွာနေထိုင်တတ်ကြသူများဖြစ်ပါတယ်။

ကျွန်တော်တို့ တိုင်းရင်းသား ညီအစ်ကိုမောင်နှမများအားလုံးရဲ့ စိတ်ဓါတ်တွေကလည်း ဒီလိုပဲဖြစ်ရင် သိပ်ကောင်းမှာပဲလို့တွေးမိလို့ပါ..

လေးစားစွာဖြင့် – မူရင်းရေးသားသူ

Leave a Comment

You cannot copy content of this page