Reading

“အရောင်ထွက်နေလျှင် သတိထားပါ” – ဆရာနန္ဒာသိန်းဇံရဲ့ နောင်တ ကင်းရာသို့ ထဲက ပုံပြင်လေး

အရောင်ထွက်နေလျှင် သတိထားပါ..

တစ်ခါက ကုန်သည်တစ်စု သဲကန္တာရကို ဖြတ်သန်းသွားကြတယ်။ နေ့ခင်းမှာ ပူလွန်းလို့ ရွက်ဖျင်တဲတွေနဲ့ နားနေကြပြီး ညမှသာ ခရီးဆက်ကြတယ်။ ဒီလိုနဲ့ တစ်နေ့ နေဝင်လထွက် ညဘက်ရောက်လို့ ခရီးဆက်ကြဖို့ လူစုကြတာပေါ့။ နောက်ဆုံးမှရောက်လာတဲ့သူက..” အဆွေတို့ ကျုပ် ဟောဟိုနားမှာ တွင်းကြီးတစ်တွင်းတွေ့ခဲ့တယ်.. အထဲမှာလည်း အရောင်တွေ တဖိတ်ဖိတ်တောက်နေတာပဲ မဟုတ်မှလွဲရော ခိုးသားတွေဝှက်ထားတဲ့ ရတနာတွေလား.. သဘာဝ စိန်တွင်းကြီးလား မသိဘူးကျုပ်တို့တော့ထောပြီ ဟေ့..” လို့ဝမ်းသာအားရ ပြောပါသတဲ့။

ဒါနဲ့အားလုံးသွားကြည့်ကြတာပေါ့။ ဟုတ်ပဗျာ.. အရောင်တွေ လက်လက်ထနေလိုက်တာများ။ သူတို့တွေ ဝမ်းသာသွားကြတယ်။ ကြိုးခွေတွေချပြီး တစ်ယောက်ကိုဆင်းကြည့်ခိုင်းတယ်။ ခဏကြာတော့ ဆင်းသွားတဲ့သူက “ဟေ့ကောင်တွေ မဆင်းခဲ့နဲ့ စိန်တွေမဟုတ်ဘူး မြွေတွေ ဟ” လို့အောင်ပြီး အသံပျောက်သွားတယ်။

အပေါ်ကလူတွေက တွေးတယ် “ဒီကောင် စိန်တွေ မောင်ပိုင်စီးချင်လို့ ညာတာနေမှာ” ဆိုပြီး နောက်တစ်ယောက်ကို ဆင်းခိုင်းတယ်။ ဒုတိယလူကလည်း အရင်လူအော်သလိုပဲ မြွေတွေ မဆင်းခဲ့နဲ့ လိုအော်ပြန်ပါတယ်။ ဒီလိုနဲ့ တစ်ယောက်ပြီးတစ်ယောက် ဆင်းသွားလိုက်တာ နောက်ဆုံးလူအလှည့် ရောက်လာပါတယ်။ သူကလည်း အားလုံးစိန်တွေရကြပြီး ငါတစ်ယောက်တည်းမရလို့တော့မဖြစ်ဘူး ဆိုပြီးဆင်းသွားလိုက်တာ အကုန်လုံးမြွေကြီးတွေရဲ့ အစာဖြစ်ကုန်ပါသတဲ့။

တကယ်တော့ ဒီတွင်းကြီးဟာ ဧရာမမြွေကြီးတွေရဲ့တွင်းပါ။ ညအချိန်မှာ လရောင်ကြောင့် မြွေမျက်လုံးတွေက အရောင်တွေလင်းလက်နေတာ။

ဒီလိုပါပဲ လောကမှာ အိမ်ထောင်သည်တွေက လူငယ်တွေကို “မင်းတို့တွေ အိမ်ထောင်မပြုကြနဲ့။ ငါတို့လို ဒုက္ခရောက်မယ်” လို့ အစဉ်အဆက် သတိပေးခဲ့ကြတာပါပဲ။ လူငယ်တွေကလည်း “ဟွန်း.. သူတို့ကြ ယူပြီး တို့ကျ လာတားနေတယ်” လို့တွေးကာ အစဉ်အဆက် မြွေတွင်းထဲ ခုန်ချနေကြတယ်တဲ့။ အင်း.. အရောင်တွေကလည်း တဖိတ်ဖိတ်တောက်သကိုးကွ နော့..။

ဒီတော့ လန်ထွက်နေတဲ့ ကောင်မလေးတွေ တွေ့ရင် သရဲမရဲ မငမ်းခင် စိန်ရောင်တွေလား မြွေမျက်လုံးတွေလား စဉ်းစားပေါ့။ ပိုအရောင်ထွက်လေ မြွေပိုကြီးလေပေါ့ကွာ။ အေးညသယ်ရင်း.. ငါကမြွေတွင်းထဲ မဆင်းပါဘူး မြွေအလိမ္ပာယ်ပြရုံလေးပါ မလုပ်နဲ့။ မြွေအလိမ္ပာယ်ဆရာတွေက မြွေမျိုးစုံ အကိုက်ခံရတယ်။ ဒါပဲ.. သတိသာထားနေ.. ဟေ ဟေး။

(ဆရာနန္ဒာသိန်းဇံရဲ့ နောင်တ ကင်းရာသို့ ထဲက ပုံပြင်လေးကို တစ်ဆင့်ပြန်ပြောတာပါ)

Leave a Comment

You cannot copy content of this page